House Art

eng btn

အထူးသတင်းများ:
 
 
Saturday, 30 May 2015 11:28

ပြောင်းလဲလာနေသည့် မြန်မာစာ အရေးအသားများ

Written by  မဇ္ဈိမ

မည်သည့် ပညာရပ်ပင်ဖြစ်ပါစေ၊ အမြဲတစေ ပြောင်းလဲတိုးတက်လာခြင်းသည် အသက်သွေးကြောတမျှ အရေးကြီးလှသည်ဟု ဆိုကြပါသည်။ ဆိုလိုသည်မှာ မြစ် တစ်စင်းသည် အမြဲတစေ စီးဆင်းနေဖို့ လိုအပ်နေသည်ဟူသည့် သဘောပင် ဖြစ်သည်။ ထိုစကားရပ်အပေါ် အခြေခံကာ မြန်မာစာပေ အခြေအနေကိုလည်း မိမိတို့ တစုံတရာ ငဲ့စောင်းကြည့်ကြရပါမည်။

မြန်မာစာပေနယ်ပယ်တွင် လွတ်လပ်ရေး ရပြီးစ အခြေအနေက စကားပြောဟန်ဖြင့် ရေးသည့် နည်းသစ်တစ်ခုကို စာပေပညာရှင်တချို့၊ စာရေးဆရာ ကဗျာဆရာ တချို့က တင်ပြခဲ့ကြဖူးသည်။ မြန်မာစာပေနယ်ပယ်အတွင်း ဗုံးတစ်လုံး ကျကွဲလိုက်သလိုပင် ဖြစ်ခဲ့သည်။ ထိုစဉ်က အစဉ်အလာ မြန်မာစာပေ သင်ရိုးသမားများက အပြင်းအထန် ကန့်ကွက်ကြသည်။

သူတို့က မြန်မာစာပေ ပျက်စီးကိန်း ဆိုက်တော့မည်ဟူ၍ပင် သတိပေးသည်။ ထို စကားပြောဟန်ဖြင့် ရေးရန် တိုက်တွန်းသူများကိုလည်း မြန်မာစာ ဖျက်ဆီးသူများ အဖြစ် လည်းကောင်း၊ လူမျိုးခြားဆီက နည်းယူ သူများအဖြစ် အပြစ်တင်ကာ အမျိုးသား ယဉ်ကျေးမှု သစ္စာဖောက်များအဖြစ်ပင် တင်စားရှုတ်ချ သည်အထိ ပြင်းထန် ခဲ့ဖူးသည်။

သို့သော် စကားပြောဟန်ဖြင့် ရေးသည့် စာရေးနည်းသည် စာဟန်ဖြင့် ရေးသည့်နည်းနှင့် ယှဉ်ကာ ဆက်လက်ရှင်သန်လာလျက် ရှိသည်ကိုမူ မည်သူမျှ မငြင်းနိုင်ပါ။ ထို့ပြင် စကားပြောဟန်ဖြင့် ရေးကြသားကြသည့် သူများသည် အစဉ်အလာ သင်ရိုးကိုင်ဆရာများ ပြစ်တင်သလို လူစားမျိုးများ မဟုတ်ကြဘဲ လူထုကြည်ညိုလေးစား သည့် စာပေပညာရှင်များ အဖြစ်ပင် ရပ်တည်ကြသည်ကို အထင်အရှားတွေ့ခဲ့ကြရပါသည်။

သည်နေရာတွင် အဟောင်းပေါ်တွင် အသစ်ထွင်ဟူသော စကားလည်း ရှိပါသည်။ ရပ်တန့်ပြီး သေနေသော စာပေသည် အိုင်နေသော၊ ရေမစီးသော မြစ်တစ်စင်း လို တဖြည်းဖြည်းခန်းခြောက်သွား မည်သာ ဖြစ်သည်။ ထို့ကြောင့် အစဉ်ထာဝရ ဆက်လက်စီးဆင်းနေဖို့ဆိုလျှင် ရှင်သန်ပြောင်းလဲနေဖို့ လိုကို လိုပါသည်။ ရှင်သန်ပြောင်းလဲ တိုးတက်ခြင်းသည် အသက်ဝိညာဉ်တမျှ အရေးကြီးပါသည်။

ယခုတလော အင်တာနက် လူမှုကွန်ရက် စာမျက်နှာများပေါ်တွင် အပျော်အပျက်ရေးရာမှ ဖြစ်စေ၊ တမင်တီထွင်ပြီး စမ်းသပ်ရေးရာမှ ဖြစ်စေ၊ မြန်မာစာ အရေး အသားသစ်များအပေါ် လူအများ ၀ိုင်းဝန်း ဝေဖန်ကြသည်ကို ကြားနေကြရပါသည်။ တချို့က မြန်မာစာကို ဖျက်ဆီးနေကြခြင်းသာ ဖြစ်သည်ဟု ဒေါမနဿစိတ်ဖြင့် အပြစ်တင်ကြသည်။ တချို့ကမူ ပေါ့ပျက်ပြီး မလေးနက်သော တီထွင်မှုဟု ဝေဖန်သည်။ တချို့ကမူ တစ်စုံတစ်ရာ ဆန်းသစ်သော စကားလုံးများ၊ ၀ါကျတည်ဆောက် ပုံများအဖြစ် လေ့လာကြ စိတ်ဝင်စားကြသည်။ မည်သို့ပင်ဖြစ်စေ မြန်မာစာ အရေးအသားနယ်ပယ်တွင် အရေးအသား သစ်အချို့ ခေါင်းပြူလာသည့် သဘော ဟုတော့ ဆိုရပါလိမ့်မည်။

မိမိတို့သည် အသစ်တီထွင်မှုကို စိတ်ပူပန်ရန် မလိုဟု မြင်ပါသည်။ တီထွင်သမျှသည်လည်း မြဲသည်ဟု မမြင်ပါ။ မြဲခြင်း မမြဲခြင်းသည် တီထွင်သူနှင့် တိုက်ရိုက် မသက်ဆိုင်ဘဲ သက်ဆိုင်ရာ နယ်ပယ်၏ ပရိသတ်နှင့်သာ ဆိုင်ပါသည်။ မိမိက မည်မျှပင် ကန့်ကွက်နေသည်ဖြစ်ပါစေ၊ ပရိသတ်လက်ခံလျင် ယင်း တီထွင်မှုမှာ မြဲမည်သာဖြစ်ပြီး ပရိသတ် လက်မခံလျင် မိမိက ထောက်ခံသည့်တိုင် ထွန်းကားရန် မြဲရန်အကြောင်း မရှိချေ။

သို့သော် အဟောင်းပေါ်တွင် အသစ်ထွင် ဟူသည့်စကား၊ အဟောင်းကြေမှ အသစ်ဖွေလို့ရ ဟူသည့် စကားရပ် ရှိပါသည်။ မည်သည့်တီထွင်သူများပင် ဖြစ်ပစေ မိမိတို့ အမျိုးသားယဉ်ကျေးမှု သဘောစရိုက်နှင့် မိမိတို့ဘာသာဗေဒ အခြေခံများအပေါ်တွင်သာ အသစ်ထွင်ဖို့ရန် တာဝန်ရှိသည်ဟု မြင်ပါသည်။ တီထွင်ခြင်းသည် စာဖတ်သူများ ပိုမိုသဘောသက်ဝင်ရေး၊ စာဖတ်သူများ ပိုမိုခံစားလက်ခံနိုင်ရေးကို ဦးတည်ရမည်ဖြစ်ပြီး အထက်ပါ အမျိုးသားယဉ်ကျေးမှု အမျိုးသားဘာသာဗေဒ အခြေခံ စံများအပေါ်မှမူ သွေဖီရန်မူ မသင့်ချေ။

ထို့ကြောင့် မိမိတို့ ယုံကြည်သည်မှာ မြန်မာစာ အရေးအသားသည် တရားအရ ပြောရလျှင် တစ်စတစ်စ ပြောင်းကို ပြောင်းကြရမည်သာ ဖြစ်သည်။ အရေးအသား အသစ်များ ရှိလာပေါ်လာ ရမည်သာ ဖြစ်သည်။ သို့သော် ကိုယ့်အမျိုးသား ယဉ်ကျေးမှု ရေသောက်မြစ်နှင့် ကိုယ့်ဘာသာစကား အခြေခံ ကြောရိုးအပေါ်တွင်သာ စိုက်ထူသည့် အသစ်တီထွင်ခြင်း ဖြစ်ဖို့တော့ မလွဲမသွေ လိုအပ်သည်ဟု တိုက်တွန်းလိုက်ရပေသည်။

Read 922 times

mizzima-newspaper-vol-6-no-91

chatrium

 

academy-left-banner1

prisoners-released-left

sms-banner

asean-women

obama-left

asean-left

SMS-news-banner

twitter facebook

 

 

ယနေ့ နိုင်ငံခြား ငွေလဲလှယ်နှုန်း

Yoma Bank LimitedYoma-bank-logo
International Banking Department
Exchange Rate for foreign currencies (18.06.2015), Thursday.

Currency Ref;Rate We Buy  We Sell 
 USD 1105 1105 1113
 EUR 1255.1 1255 1264
 SGD 826.88 826 832

We have 201 guests and no members online