House Art

eng btn

အထူးသတင်းများ:
 
 
Tuesday, 26 May 2015 10:45

မိခင်စိတ်နဲ့ တိုင်းပြည်အုပ်ချုပ်ရေး

Written by 

တစ်ခါတုန်းက နိုင်ငံရေးခေါင်းဆောင် တစ်ဦး ပြောခဲ့ဖူးသည့် စကားတစ်ခွန်း ရှိသည်။ နိုင်ငံသားများ သည် မိခင်၏ အိမ်တွင် နေထိုင်ခွင့်ရသည့် အခွင့်အရေးမျိုး ရှိသင့်သည်ဟူသော စကားဖြစ်သည်။ မှန်ပါသည်။ မိမိတို့သည် အုပ်ထိန်းစောင့်ရှောက်မှုလည်းရှိ၊ လွတ်လပ်ချမ်းမြေ့မှုလည်း ရှိသည့် မိဘများ၏ အိမ်လို မိမိတို့နိုင်ငံအတွင်း နေထိုင်ခွင့်ရလျှင် မည်မျှ ကောင်းပါမည်နည်း။

သည်စကား၏ ရည်ညွှန်းချက်ထဲတွင် မိဘများသည် သားသမီးများကို မေတ္တာဖြင့် ထိန်းကျောင်း အုပ်ချုပ်သည် ဟူသည့် အဓိပ္ပာယ်ကို ဖေါ်ညွှန်းရာလည်း ရောက်သည်ကို တွေ့ရမည်ဖြစ်သည်။ တစ်ဖန် လူကြီးသူမ တချို့ပြောဖူးသော အဖြစ်အပျက်တစ်ခု ရှိပါသေးသည်။
တောတွင်း တစ်နေရာတွင် မုဆိုးသည် သစ်ပင်ပေါ်က မျောက်မကြီးတစ်ကောင်ကို သေနတ်ဖြင့် ပစ်ခတ်လိုက်သည်။ ထိုအခါ ဒဏ်ရာရသွားသော မျောက်မကြီးသည် သူ့ရင်ခွင်တွင်းမှ မျောက်သားငယ်ကို လက်တစ်ဘက်မှ ကိုင်ဆွဲရင်း ကျန်လက်တစ်ဘက်က သစ်ကိုင်းကို ဆွဲကိုင်လျက် တစာစာ အော်တော့သည်။ မျောက်မ၏ နာကျင်စွာ အော်ဟစ်သည့် အသံကို မျောက်အထီးကြီး ကြားသောအခါ အလျင်အမြန် ရောက်လာပြီး မျောက်မကြီး၏ လက်ထဲက မျောက်သားငယ်ကို ယူလိုက်၏။

ထိုအခါ သားငယ်ကို လင်သားမျောက်ထီးကြီးက ယူလိုက်ပြီးသည့်အခါကျမှသာ သစ်ကိုင်းကို ဆွဲကိုင် ထားသည့်လက်ကို လွှတ်လိုက်၏။ သားငယ်၏ အသက် လွတ်မြောက်သွားပြီဟု သိလိုက်ရသည့် အချိန်အထိ စိတ်ကိုတင်းကာ သစ်ကိုင်းကို ဆွဲထားရင်း အော်ဟစ်လိုက်သည့် အော်သံထဲတွင် မိခင်တစ်ဦး၏ ကြီးမား မြင့်မြတ်လှသည့် မိခင်စိတ်ကို အထင်းသား ကြားခဲ့ကြရသည် ဟူ၏။

တဖန် နောက်ထပ် အဖြစ်အပျက်တစ်ခု ရှိပါသေးသည်။ သားသည် ခွေးမကြီးတစ်ကောင်သည် ကားလမ်းဘေးတွင် အိပ်နေစဉ် ကားကြိတ်ခံလိုက်ရသည်။ ဒဏ်ရာအပြင်းအထန် ရနေသော်လည်း နို့ဆာလို့ အော်နေကြသော သားငယ် ခွေးကလေးများရှိရာ ဒယီးဒယိုင်ဖြင့် အားတင်းပြီး ပြေးသွား၏။ ခွေးကလေးများ ဘေးတွင် အသာအယာ လှဲချပြီး ခွေးကလေးများကို နို့တိုက်လေသည်။

ထို့နောက် နို့တိုက်ရင်းပင် ဒဏ်ရာကြောင့် ကွယ်လွန်သွားတော့သည်။ ထိုအဖြစ်အပျက်တွင်လည်း သေလုမျောပါး ဒဏ်ရာရသွားသည့်တိုင် နို့ဆာလို့ အော်နေကြသည့် သားသမီးများထံ အရောက်ပြန်လာ နိုင်အောင် အားတင်းထားခြင်းနှင့် သားသမီးများကို နောက်ဆုံးအချိန်အထိ နို့ချိုတိုက်ကျွေး ဖြစ်အောင် တိုက်ကျွေးသွားခဲ့သည့် မိခင်ခွေးမကြီး၏ မိခင်စိတ်ကို မိမိတို့ အသ်ိအမှတ်မပြု မနေနိုင်အောင် ဖြစ်ကြရမည်သာ ဖြစ်သည်။

အထက်ပါ အဖြစ်အပျက်များမှာ လူသားများမဟုတ်ကြဘဲ လူသားများက လူ့ထက် အဆင့်နိမ့်သည့် အဟိတ်တိရစ္ဆာန်များသည်ပင်လျှင် မိခင်စိတ်ကို အထင်အရှား ပြတတ်ကြပြီး ယင်းသို့သော မိခင်စိတ်သည် မည်မျှ မွန်မြတ်ကြောင်း ခန့်မှန်းလက်ခံလို့ ရနိုင်သည့် အဖြစ်အပျက်များပင် ဖြစ်သည်။

ယခုအခါ ပြစ်မှုဆိုင်ရာ အဖြစ်အပျက်အချို့၌ မိခင်စိတ်ကင်းမဲ့လွန်းသည့် သတင်းအချို့ကို လည်း မိမိတို့ ကြားနေမြင်နေ ကြရပြန်ပါသေးသည်။ တစ်နေရာ၌ လူသူအသွားအလာ နည်းသည့် နေရာ၌ မွေးကင်းစကလေး တစ်ဦးကို သည်အတိုင်း လာရောက် စွန့်ပစ်သွားသည့်သတင်းမျိုး ဖြစ်သည်။

ထို့ပြင် သားသမီးကို ဒေါသနှင့် ဓားဖြင့် အသေခုန်သတ်လိုက်သည့် ဖခင်တစ်ဦး၊ အရက်ဝယ် ခိုင်းစဉ် လမ်းတွင် အရက် ဖိတ်စင်ကျခဲ့သည်ကို ဒေါသဖြစ်ကာ အရွယ်မရောက်သေးသည့် သားသမီးကို သံပူကပ်ပြီး ဆုံးမသည့် ဖခင်တစ်ဦး အစရှိသော အဖြစ်အပျက်များကိုလည်း မိမိတို့ ကြားနေ မြင်နေကြရသည်များလည်း ရှိပါသည်။

အနှစ်ချုပ်ရလျှင် မိဘကောင်း၊ သို့မဟုတ် မိခင်စိတ်ရှိသူ မိဘများ မှန်ခဲ့လျှင် ယင်းကဲ့သို့သော မိဘများသည် သားသမီးများကို အသက်သေသည်အထိ၊ ခန¨ာကိုယ် နာကျင်စေသည်အထိ၊ စိတ်ထိခိုက်စေ သည်အထိ၊ ရန်သူသဖွယ်ပြုမူလိုက်သည်အထိ ဆုံးမရိုး မရှိပါဟူသည့် အနှစ်ချုပ်ကို ရနိုင်ပါသည်။

ထို့ပြင် မွန်မြတ်ယဉ်ကျေးပြီး မိဘစစ် မိဘအမှန်များ၏ လက်အောက်တွင် ကြီးပြင်းရသည့် သားသမီးများ၏ ဘဝသည် လုံခြုံအေးချမ်းပြီး ပျော်ရွှင်ဖွယ်ဘ၀မျိုး ရနိုင်ကြမည်သာ ဟူသည့် ကောက်ချက်ကိုလည်း ဆွဲယူလို့ ရနိုင်ပါသည်။

ထို့ကြောင့် မိမိတို့ပြည်သူများ၊ မိမိတို့ ရဟန်းသံဃာတော်များ၊ မိမိတို့ကျောင်းသားများ၊ မိမိတို့ လယ်သမား၊ အလုပ်သမားနှင့် ၀န်ထမ်းများအားလုံးသည် မွန်မြတ်မှန်ကန်သည့် မိဘ၏ ရင်ခွင်တွင်သာ ခိုလှုံခွင့်ရသည့် သားသမီးအဖြစ် ရရှိခံစားစေနိုင်ကြောင်း တင်ပြလိုက်ရပါသည်။

Read 1035 times

mizzima-newspaper-vol-6-no-91

chatrium

 

academy-left-banner1

prisoners-released-left

sms-banner

asean-women

obama-left

asean-left

SMS-news-banner

twitter facebook

 

 

ယနေ့ နိုင်ငံခြား ငွေလဲလှယ်နှုန်း

Yoma Bank LimitedYoma-bank-logo
International Banking Department
Exchange Rate for foreign currencies (18.06.2015), Thursday.

Currency Ref;Rate We Buy  We Sell 
 USD 1105 1105 1113
 EUR 1255.1 1255 1264
 SGD 826.88 826 832

We have 115 guests and no members online