House Art

eng btn

အထူးသတင်းများ:
 
 
Wednesday, 25 February 2015 21:01

ဘာလုပ်မှာလဲ ပြော

Written by 

၂၀၁၅ ကား အားလုံး မျှော်လင့်ကြသော နှစ်တစ်နှစ်ဖြစ်သည်။ ပြည်တွင်း ပြည်ပမှ အကဲခတ်များက မြန်မာ့အနာဂတ်ကို အဆုံးအဖြတ်ပေးမည့် နှစ်အဖြစ် ၂၀၁၅ ကို ရှုမြင်ကြသည်။ ဤတွင် နိုင်ငံတည်ဆောက်ရေးတွင် ပါဝင်သူများအား မေးရမည့် မေးခွန်းတစ်ခုရှိနေသည်။ ဘာလုပ်မှာလဲ ပြော။

မဏ္ဍိုင်သုံးရပ်သည် သမ္မတ ဦးသိန်းစိန် အစိုးရလက်ထက်တွင် ရုပ်လုံးပေါ်လာသည်။ အထင်ရှားဆုံးနှင့် ပီပီပြင်ပြင် ပုံထွက်လာသည်ကား ဥပဒေပြုရေးမဏ္ဍိုင်ဟု ခေါ်ရမည့် လွှတ်တော်သုံးရပ် ဖြစ်သည်။ သို့သော် အားရစရာတော့ မကောင်းလှသေးပါ။ လွှတ်တော်အမတ်တချို့၏ အရည်အချင်းကို မေးခွန်းထုတ်စရာများ ရှိသေးသလို ပြည်သူ့လိုလားချက်တချို့ကို လွှတ်တော်အမတ်များက ကန့်ကွက်မဲများ ပေးနေသည့် လုပ်ရပ်များကလည်း နားမလည်နိုင်အောင် ဖြစ်ရသည်။ လွှတ်တော်အမတ်များကိုလည်း ထိုမေးခွန်းကို မေးရမည်ပင်။ ဘာလုပ်မှာလဲ ပြော။

သမ္မတဦးသိန်းစိန်းအစိုးရသည်ကား ကာတွန်းဆရာများလက်ထဲ ရောက်သွားနှင့်ပြီဖြစ်သည်။ အစိုးရအဖွဲ့ခေါင်းဆောင်နှင့် အစိုးရအဖွဲ့ဝင်အများစုမှာ ကာတွန်းဆရာများ၏ လက်သံပြောင်ပြောင်အောက်တွင် ပြားဝပ်နေကြရသည်။ သက်တမ်းကား တစ်နှစ်သာ ကျန်တော့ချိန်တွင် သမိုင်းမှတ်တမ်းရေးရမည့် ကိစ္စများ လုပ်သင့်သည်။ တာဝန်ယူ တာဝန်ခံမှု အပြည့်ရှိသင့်သည်။ မလုပ်နိုင်သည်များ၊ တာဝန်မကျေပွန်သည်များ ရှိပါက သတ္တိရှိရှိ ဂုဏ်သိက္ခာရှိရှိ နုတ်ထွက်လိုက်သင့်သည်။

အမျိုးသားပညာရေးဥပဒေကို ပြင်ဆင်သည့် ဥပဒေမူကြမ်းနှင့် ပတ်သက်၍ လေးပွင့်ဆိုင် သဘောတူညီချက်နောက် အစိုးရသည် ပွင့်လင်းမြင်သာမှု အားနည်းလာပြီး လှည့်ဖြားလိုသည့် သဘောများကို ခပ်ပါးပါးမှသည် ဗြောင်ကျကျ မြင်တွေ့နေရသည်။ ဂျပန်နိုင်ငံနှင့် နိုင်ငံတချို့တွင် တာဝန်ခံ၊ တာဝန်ယူရသည့် အစိုးရအရာရှိကြီးများသည် သတ္တိရှိရှိ ဂုဏ်သိက္ခာရှိရှိဖြင့် မိမိမစွမ်းဆောင်နိုင်သည်များ၊ အမှားအယွင်းများကို တာဝန်ယူပြီး နုတ်ထွက်လိုက်ကြသည်။ မြန်မာအစိုးရအဖွဲ့ဝင်များကား တာဝန်ယူ တာဝန်ခံ၍ ဂုဏ်သိက္ခာရှိရှိ နုတ်ထွက်သွားသူများမှာ မရှိသလောက်ပင် ရှားသည်။ ၎င်းတို့ကိုလည်း အထက်ပါ မေးခွန်းပင် မေးရမည်သာဖြစ်သည်။ ဘာလုပ်မှာလဲ ပြော။

ဥပဒေနှင့်အညီ လွတ်လပ်သည့် တရားစီရင်ကား ပြောစရာများသလို မပီပြင်ဆုံး မဏ္ဍိုင်ဟုလည်း ပြော၍ရသည်။ အစိုးရအာဏာပိုင်တို့၏ ၀င်ရောက်စွက်ဖက်သည့် အမှုအခင်းများ၊ တရားစွဲဆို တင်ပို့မှုများကို ယနေ့တိုင် တွေ့ရသေးသလို ဥပဒေအထက်တွင် တစုံတဦး ရှိနေသေးသလားဟု တရားဥပဒေပညာရှင်များကိုယ်တိုင် အခါအားလျော်စွာ မေးခွန်းထုတ်နေဆဲဖြစ်သည်။ ထို့ကြောင့် ဤမဏ္ဍိုင်ကို ဦးဆောင်နေသူနှင့် အဖွဲ့ဝင်များကိုလည်း အလားတူ မေးခွန်း မေးရမည်ပင်။ ဘာလုပ်မှာလဲ ပြော။

တိုင်းပြည်ကို မောင်းနှင်နေသော မဏ္ဍိုင်သုံးရပ်ကို မေးခွန်းများ မေးမြန်းပြီးနောက် ယင်းဒေါက်တိုင်သုံးရပ်အား အစဉ်အမြဲ စောင့်ကြည့် ဝေဖန် ထောက်ပြ ရေးသား ပြောဆို တင်ဆက်နေသော စတုတ္ထမဏ္ဍိုင် မီဒီယာသမားများနှင့် လွတ်လပ်သည့်၊ မလွတ်လပ်သည့်၊ အမှီအခိုကင်းသည့်၊ အမှီအခိုပင်းသည့်၊ အစိုးရ၏ပိုင်၏၊ အစိုးရနိုင်သည့် မီဒီယာသမားများနှင့် သတင်းစာဆရာများကို လွှတ်ပေးထားကာ မမေးဘဲထားသော် မမျှတရာ၊ ပင်းရာ၊ အဂတိမကင်းရာ ကျပေလိမ့်မည်။

သတင်းမီဒီယာသမားအများစုသည်လည်း သူများလက်ညှိုးထိုးရန် ပြစ်တင်ထောက်ပြဝေဖန်ရန် ကြိုးစားသလို မိမိတို့ တစ်ဦးချင်းမှသည် မိမိတို့ကိုယ်စားပြုရာ မီဒီယာအဖွဲ့အစည်းအထိ သတင်းမီဒီယာသမားတို့ ကျင့်သုံးလိုက်နာအပ်သော ကျင့်ဝတ်ညီညွတ်ရာ၏။ တစ်ဖက်မစောင်းဘဲ မျှတရာ၏။ အဂတိကင်းပြီး စိတ်ရှင်းလက်ရှင်း ဖြောင့်ဖြောင့်မှန်မှန် ပြောဆို ရေးသား တင်ဆက်ရာ၏။ ထို့ပြင်တ၀ သတင်းမီဒီယာသမားပီပီ တင်းတင်းတည်တည် အားရှိပါးရှိ ကိုယ်စွမ်းဥာဏ်စွမ်း အကုန်သုံးပြီး အစွမ်းကုန် အလုပ်လုပ်ကြရမည်ဖြစ်သည်။ အနေအစားချောင်ရုံ လက်တင်ပါးပါး အပါးလေးခို အလုပ်လုပ်ပြီး နာမည်ထင်ပေါ် ဂုဏ်သတင်းမျှော်က ၂၀၁၅ တွင် နေရာရှိတော့မည် မဟုတ်ပါ။ ဘာလုပ်မှာလဲ ပြော။

၂၀၁၅ မှာ မျှော်လင့်ချက်များသော မျှော်လင့်ချက်ထားသော နှစ်တစ်နှစ်ကား အမှန်ဖြစ်သည်။ မဏ္ဍိုင်လေးရပ်မှ ကြွင်းသော် ပြည်သူ တစ်ဦးချင်းစီ အကုန်ပါသည့် ပဉ္စမမဏ္ဍိုင်သာ ကျန်ရစ်သည်။ ပြည်သူတစ်ဦးချင်းစီသည်လည်း ၂၀၁၅ ကို အမျှော်လင့်ကြီး မျှော်လင့်ကြသလို တာဝန်များကား ရှိနေပေသည်။ နိုင်ငံတည်ဆောက်ရေး၊ ဖွံ့ဖြိုးရေး၊ တိုးတက်ရေး၊ သာယာရေးမှသည် ငြိမ်းချမ်းပျော်ရွှင်ရေးအထိတွင် ထိုထိုဤဤ တစ်ယောက်ချင်းစီတွင်လည်း မိမိနိုင်ရာဝန်မှသည် တိုင်းပြည်ဝန်တာအထိ ထမ်းရန် တာဝန်ရှိနေပါသည်။ တိုင်းပြည်၏ ကောင်းမွန်သည့်အနာဂတ်ကို နီးစေသည့် ၂၀၁၅ မျှော်လင့်ချက် ခရီးတွင် တစ်ယောက်မကျန် အားလုံးအပါ  စိတ်လက်ချမ်းသာကြစေရန် မဇ္ဈိမက မေးခွန်းတစ်ခုကိုသာ မေးလိုက်သည်။ ဘာလုပ်မှာလဲ ပြော။

Read 1020 times

mizzima-newspaper-vol-6-no-91

chatrium

 

academy-left-banner1

prisoners-released-left

sms-banner

asean-women

obama-left

asean-left

SMS-news-banner

twitter facebook

 

 

ယနေ့ နိုင်ငံခြား ငွေလဲလှယ်နှုန်း

Yoma Bank LimitedYoma-bank-logo
International Banking Department
Exchange Rate for foreign currencies (18.06.2015), Thursday.

Currency Ref;Rate We Buy  We Sell 
 USD 1105 1105 1113
 EUR 1255.1 1255 1264
 SGD 826.88 826 832

We have 288 guests and no members online