House Art

eng btn

အထူးသတင်းများ:
 
 
Sunday, 22 February 2015 20:43

ပဉ္စမမဏ္ဍိုင်၏ တာဝန်

Written by 

မြန်မာနိုင်ငံသည် အရှေ့တောင်အာရှတွင် မြေဧရိယာ အကျယ်အ၀န်းအားဖြင့် ဒုတိယအကြီးဆုံး နိုင်ငံဖြစ်ပြီး၊ သဘာဝ သယံဇာတများ လည်း ပေါကြွယ်ဝသောကြောင့် တိုင်းသူပြည်သားများသည် ကြွယ်ပိုးကြွယ်ဝ နေထိုင်နိုင်ကောင်းသည်ဖြစ်သော်လည်း ထိုသို့ မနေကြရပါ။ မနေကြရသည့်အပြင် ၁၉၄၈ လွတ်လပ်ရေး ရပြီးကတည်းက ပူးတွဲပါလာသော ပြည်တွင်းစစ်မီးကြောင့် ယနေ့တိုင် မငြိမ်းချမ်းနိုင်ဘဲ စိုးရိမ်သောက ဗျာပါဒနှင့် နေထိုင်နေရဆဲဖြစ်သည်။

နိုင်ငံ့ရင်းမြစ် သဘာဝသယံဇာတများကိုလည်း အာဏာရှင် အစိုးရအဆက်ဆက်က ထင်သလို ထုတ်ယူ သုံးစွဲကြသဖြင့်လည်းကောင်း၊ နယ်စပ်ဒေသ ယိုပေါက်ထွက်ပေါက်ကို စနစ်တကျ မကာကွယ် မတားဆီးနိုင်သောကြောင့်လည်းကောင်း၊ ဗဟိုအစိုးရနှင့် ပြည်နယ်/ တိုင်းများကြား အချိုးကျ ခွဲဝေသုံးစွဲမှု ဘယ်သောအခါမှ မရှိခဲ့သောကြောင့်လည်း တတိုင်းပြည်လုံးရှိ ပြည်သူများမှာ အကျိုးခံစားခွင့် မရပါဘဲ အခွင့်အရေးများ ဆုံးရှုံးနေကြသည်။ ပြည်နယ်များမှ တိုင်းရင်းသားများမှာ ဆုံးရှုံးမှု အကျိုးဆက်ကို ပိုမိုခံစားကြရသည်။

စစ်အာဏာရှင်များသည် တိုင်းပြည်ကို နှစ်ပေါင်း ၅၀ ခန့် ငြိမ်ဝပ်ပိပြားအောင် ဖိနှိပ်ရင်းဖြင့် အာဏာတည်မြဲပြီးနောက် နိုင်ငံမှာ ကမ္ဘာတွင်ရော ဒေသတွင်းတွင်ပါ နောက်ဘိတ်ဆုံး နိုင်ငံဘ၀သို့ သက်ဆင်းခဲ့ရသည်။ ပညာရေး၊ ကျန်းမာရေး၊ ဆက်သွယ်ရေးနှင့် နိုင်ငံသားတစ်ဦးချင်း၏ အသီးအပွင့် အဖွင့်အထွားသည် ရပ်တန့်ခဲ့ရသည်။ ကြီးထွားမှုကို လိုလားသူများက စစ်အာဏာရှင်များအောက်မှ ရုန်းထွက်ပြီး ပြည်ပနိုင်ငံများသို့ ထွက်ခွာခဲ့ကြသည်။

ဗုဒ္ဓဘာသာဝင်အများဆုံးရှိသည့် နိုင်ငံသည် မေတ္တာ၊ သစ္စာတို့ ခန်းခြောက်လာကာ လူတိုင်းသည် မိမိအကျိုးကို ရှေ့တန်းတင်ခဲ့ကြသည်။ တစ်ဦးနှင့်တစ်ဦး ရိုင်းပင်းကူညီမှုများ ပျောက်ဆုံးကာ ကမ္ဘာမီးလောင် သားကောင်ချနင်းသည့် စိတ်ဓာတ်များဖြင့် စိတ်ဓာတ်ပျက်ပြားခြင်းခေတ်သစ်ဆီသို့ တိုးဝင်ရောက်ရှိလာကြသည်။ အချင်းချင်း မယုံကြည်ခြင်း၊ တိုက်ခိုက်ခြင်း၊ ကွဲထွက်ခြင်း၊ အပြစ်မြင်ခြင်းတို့ဖြင့်သာ စခန်းသွားခဲ့ရာမှ ရုပ်ဝတ္ထုများ နိမ့်ကျခြင်းမှသည် စိတ်ဓာတ် အင်အားများ ယုတ်လျော့ပျက်စီးသည်အထိ အရာရာသည် နိမ့်ကျခြင်းထက်ပိုသော အဆင့်အတန်းသို့ ရောက်ခဲ့သည်။

အာဏာရှင်လူတန်းစားတစ်ရပ်သည်ကား ပိုမိုခေတ်မီသည့် အာဏာရှင်စနစ်သို့ ဦးတည်ရန် ၂၀၀၈ အခြေခံဥပဒေကို ခင်းကျင်းပြီး ၂၀၁၀ အထွေထွေရွေးကောက်ပွဲလမ်းကို ဖြတ်သန်းလျှောက်လှမ်းခဲ့ကြသည်။ သမ္မတဦးသိန်းစိန် ဦးဆောင်သည့် အစိုးရတစ်ရပ်သည် ၂၀၁၁ မတ်တွင် ပေါ်ပေါက်ခဲ့ပြီးနောက် အပြောင်းအလဲ လမ်းကြောင်းပေါ် ရောက်ခဲ့ကြောင်း သုံးသပ်ဆုံးဖြတ်ကြသဖြင့် အနောက်နိုင်ငံများ၏ ပိတ်ဆို့မှုဒဏ်များကို လွတ်မြောက်ခံစားခဲ့ရသည်။ မြန်မာသည် ကောင်းပြီလော။

နိုင်ငံ့ဒေါက်တိုင် (၀ါ) မဏ္ဍိုင်အားလုံးကို စစ်အာဏာရှင်များသာ ချုပ်ကိုင်ထားသော ပုံစံမှ စစ်တပ်နောက်ခံပြု အာဏာရပါတီက ချုပ်ကိုင်သော အစိုးရ၊ လွှတ်တော်နှင့် တရားစီရင်ရေး မဏ္ဍိုင်များနှင့် မြန်မာသည် စတုတ္ထမဏ္ဍိုင်ဟု အမည်သညာပြုကြသည့် သတင်းမီဒီယာကဏ္ဍ တစိတ်တပိုင်း လွတ်လပ်ခြင်းဖြင့် ရှင်သန်ခွင့်ရခဲ့သည်။ မြန်မာသည် သာပြီလော။ ဤတွင် ကွယ်လွန်သူ သတင်းစာဆရာကြီး ဟံသာဝတီဦးဝင်းတင် တင်စားသည့် ပဉ္စမမဏ္ဍိုင်ဟုဆိုရမည့် ပြည်သူများမှ အများစုမှာ အထက်တွင် ဆိုခဲ့သည့်အတိုင်း စိတ်ဓာတ်ရေးရာရော ရုပ်ဝတ္ထုပိုင်းတွင်ပါ အနိမ့်ဆုံးအဆင့်သို့ ရောက်ရှိနှင့်ပြီဖြစ်သည်။

ပညာရေးဒေါက်တိုင်များ အခြေမခိုင်ခြင်း၊ လောကပါလတရားများ ခန်းခြောက်သွားခြင်း၊ မြန်မာများအဆက်ဆက် ယုံကြည်လက်ခံထားသည့် ရိုးရာယဉ်ကျေးမှုများ တိမ်ကောပျက်စီးလာခြင်း၊ ရာစုဝက်ကြာ ပိပြားငြိမ်ဝပ်နေအောင် ဖိနှိပ်ခံရမှုများသည် ပြည်သူတစ်ဦးချင်းစီတိုင်း၌ မသိမသာမှသည် သိသိသာသာအထိ စွဲဝင်ခိုလှုံလျက်ရှိနေခြင်းကြောင့် အလားတူတုံ့ပြန်ခြင်းမျိုးဖြင့် အများအကျိုးထက် ကိုယ်ကျိုးကြည့်သူများ များလာကြသည်။ အာဏာရသည်နှင့် လက်စားချေခြင်းနှင့် ပြန်လည်ဖိနှိပ်ခြင်းတို့ကို ဆောင်ရွက်လာကြသည်။

တိုင်းပြည်၏ အချုပ်အခြာအာဏာကို ထိန်းသိမ်းစောင့်ရှောက်ရမည့် အစိုးရသည် ပြည်သူ့အစိုးရ စစ်မှန်မှသာ ပြည်သူများ၏ ယုံကြည်ကိုးစားခြင်းကို ခံရမည်ဖြစ်သည်။ ပြည်သူတို့၏ ယုံကြည်ကိုးစားခြင်းကို မခံရသော အစိုးရတို့သည် လုပ်တိုင်းလွဲ သို့မဟုတ် အမြဲတစေ ဝေဖန် ကန့်ကွက်မှုတို့ကို ခံစားရမည်သာဖြစ်သည်။ ထို့ကြောင့် အစိုးရသည် ပြည်သူများကို ပိုမိုဖိနှိပ်တော့သည်။ ဤသို့ဖြင့် ပြည်သူနှင့်အစိုးရကြား မယုံကြည်ခြင်းသံသရာသည် လည်မြဲလည်လျက်နှင့် ထွက်ဖောက်နိုင်ခြင်း မရှိဘဲနှင့် စခန်းသွားနေရသည်။

မဏ္ဍိုင်လေးရပ် အလုပ်မှန်မှန်လုပ်ရန် အရေးကြီးသည်။ အစိုးရ၊ လွှတ်တော်၊ လွတ်လပ်သည့် တရားစီရင်ရေးနှင့် သတင်းမီဒီယာများကြား အချင်းချင်း ပိုပိုကဲကဲ အပြစ်တင် ဝေဖန်ကြခြင်းထက် မဏ္ဍိုင်တစ်ရပ်ချင်းစီက တိုင်းပြည်နှင့်ပြည်သူကို မျက်နှာမူကြရပေမည်။ ပဉ္စမမဏ္ဍိုင်ဖြစ်သည့် ပြည်သူများမှာ ပထမအဆင့်အားဖြင့် မိမိတို့ဘ၀တိုးတက်ရေးကို ကြိုးပမ်းသင့်သည်။ ထိုသို့ကြိုးပမ်းရာတွင် မည်ကာမတ္တကြိုးပမ်းခြင်းမျိုး မဟုတ်ဘဲ သည်းသည်းသန်သန် ကြိုးစားကြရန် အရေးကြီးသည်။

၂၀၁၅ သည် ပြည်သူနှင့်အစိုးရကြား အဟပ်မိမိ ချိတ်ဆက်နိုင်ကြရန် အခွင့်အခါကောင်း ဖြစ်နိုင်သည်။ အကြောင်းမှာ ၂၀၁၅ အထွေထွေရွေးကောက်ပွဲ ကျင်းပမည်ဖြစ်သည့်အတွက် ပြည်သူတို့အောင်ပန်းဆွတ်ချိန်ဟုဆိုသော် ရကောင်းသည်။ တိုင်းပြည်သည် လွတ်လပ်ရပြီးနောက် နှစ်ပေါင်း ၇၀ ကပ်ချိန်အထိ မျိုးဆက်ပေါင်းများစွာ ဖြတ်သန်းပြီးသော်လည်း မငြိမ်းချမ်းနိုင်သေး၊ မတိုးတက်နိုင်သေး၊ မထွန်းကားနိုင်သေး၊ အရာရာ အရပ်ရပ်တွေ ခေတ်နောက်ကျနေသေးသည်။

၂၀၁၅ တွင် ပဉ္စမမဏ္ဍိုင် ကြံ့ခိုင်ရပေမည်။ စစ်အာဏာရှင်အဆက်ဆက်အောက် ပိပြားမှောက်ခဲ့သော ပဉ္စမမဏ္ဍိုင်သားတို့ လွတ်မြောက်စချိန်ဟုလည်း ဆိုထိုက်သည်။ ဗြိတိသျှတို့ထံမှ ရခဲ့သော လွတ်လပ်ရေးကို ကွယ်လွန်သူသတင်းစာဆရာမောင်ထင်က အမျိုးသမီးငယ်နှင့် တင်စားဖူးသည်။ ဆရာမောင်ထင်က "လူတကာနှင့် ဖွတ်ဖွတ်ကြေခဲ့ပြီးမှ ထိုကောင်မလေးနှင့် ကျွန်တော်တို့ ပြန်ပေါင်းခဲ့ရ၏။ မေတ္တာစစ် မေတ္တာမှန်ဖြစ်ခဲ့သောကြောင့် အဘယ်မျှ ဖွတ်ဖွတ်ကြေစေကာမူ ကျွန်တော်တို့သည် ရေဆေး၍ ပေါင်းကြရမည်ဖြစ်၏" ဟု ဆိုခဲ့သည်။

ပဉ္စမမဏ္ဍိုင်သည် ယနေ့ခေတ်တွင် ရသမျှသော လွတ်လပ်ရေးဖွတ်ဖွတ်ကြေကို သုံးကြရမည်။ တိုင်းပြည်၏ အဓိကမဏ္ဍိုင်လေးရပ်ကို အပြစ်တင်ခြင်းအားဖြင့်လည်းကောင်း၊ ချစ်ခင်ခြင်းအားဖြင့်လည်းကောင်း စခန်းသွားခြင်းမှာလည်း မှန်ပေ၏။ သို့သော် ပဉ္စမမဏ္ဍိုင်သား အယောက်ချင်းစီတိုင်းက ရှိသမျှအားနှင့် ကြံ့ခိုင်ကြပါမှ ၂၀၁၅ သည် ခွင့်သာနိုင်ကောင်းသည်။ ဖွတ်ဖွတ်ကြေလွတ်လပ်ရေးမှသည် ဆန့်ဆန့်ပြေ ညီညွတ် ခရီးလမ်းသာသည့် ကမ္ဘာ့တန်းမီ ဘ၀သစ်များဆီသို့ သာတူညီ လျှောက်ကြ လှမ်းချီစေကြောင်း ပဉ္စမမဏ္ဍိုင်အား မဇ္ဈိမ တိုက်တွန်းသည်။​

Read 1207 times Last modified on Sunday, 22 February 2015 19:47

mizzima-newspaper-vol-6-no-91

chatrium

 

academy-left-banner1

prisoners-released-left

sms-banner

asean-women

obama-left

asean-left

SMS-news-banner

twitter facebook

 

 

ယနေ့ နိုင်ငံခြား ငွေလဲလှယ်နှုန်း

Yoma Bank LimitedYoma-bank-logo
International Banking Department
Exchange Rate for foreign currencies (18.06.2015), Thursday.

Currency Ref;Rate We Buy  We Sell 
 USD 1105 1105 1113
 EUR 1255.1 1255 1264
 SGD 826.88 826 832

We have 139 guests and no members online