House Art

eng btn

အထူးသတင်းများ:
 
 
Friday, 20 February 2015 21:06

စိန်ခေါ်မှုကို အခွင့်အရေးအဖြစ် ပြောင်းချိန်တန်ပြီ

Written by 

၂၀၁၅ သည် စိန်ခေါ်မှုများရော အခွင့်အလမ်းများကိုပါ သယ်ပိုးထားသည်။ ပြည်တွင်း ပြည်ပ အကဲခတ်တချို့ သုံးသပ်ကြသလို တိုင်းပြည်နှင့် လူထုကို မျက်နှာမူ သူများကြောင့် ၂၀၁၅ သည် တိုင်းပြည်ကောင်းချိန် လူထုသာချိန် ဖြစ်နိုင်သည်။

လက်ရှိနိုင်ငံရေးအခင်းအကျင်းတွင် အချုပ်အခြာအာဏာကို ထိပါးနိုင်သည့် ကိုးကန့်အရေး၊ ပြည်သူနှင့်အစိုးရကြား စိတ်ဝမ်းကွဲနိုင်သည့် အမျိုးသားပညာရေးဥပဒေကို ပြင်ဆင်ရေး ဖြတ်သန်းမှုအဆင့်များ၊ တိုင်းရင်းသားစည်းလုံးညီညွတ်မှုကို ထိပါးစေနိုင်သည့် ငြိမ်းချမ်းရေးခြေလှမ်း ရှေ့တိုးနောက်ငင်၊ ပြည်သူနှင့် လူတန်းစားတစ်ရပ်ကြား ပိုမိုခြားနားသွားစေနိုင်သည့် ၂၀၀၈ အခြေခံဥပဒေပြင်ဆင်ရေး စသည့် အရေးကိစ္စများ ရှိနေသည်။

၂၀၁၅ သည် နိုင်ငံတည်ဆောက်ရေးအတွက် အကောင်းဆုံး အချိန်လည်းဖြစ်သည်။ အတိုက်အခံခေါင်းဆောင် ဒေါ်အောင်ဆန်းစုကြည်နှင့် အတိုက်အခံအင်အားစုများသည် လွှတ်တော်တွင်း ရှိနေပြီးဖြစ်သည်။ မျက်မှောက်ရေးရာ အခြေအနေများ ယခုထက် ဆိုးမသွားစေရန် အတိုက်အခံခေါင်းဆောင်သည် ထိန်းထိန်းသိမ်းသိမ်း မှတ်ချက်စကားများကို မီဒီယာများတွင် ပြောကြားပေးနေသည်ကို သတိပြုမိသည်။ အစိုးရကို အနိုင်ယူနိုင်ချိန် အခွင့်အခါကောင်းတွင် အစိုးရအပေါ် ပိုမိုအပြစ်ကျစေမည့် စကားများကို သူမဆို၊ ဖေးဖေးမမ ပြုရှာသည်။

၂၀၀၈ အခြေခံဥပဒေပြင်ဆင်ရေးအပါအ၀င် မျက်မှောက်နိုင်ငံရေး အကျပ်အတည်းများကို ကျော်လွှားနိုင်ရန် လေးပွင့်ဆိုင်၊ ခြောက်ပွင့်ဆိုင်များ အဆင်ပြေသည့်အပွင့် ဆိုင်ကြပါစို့ဟု အဆိုပြုမှုများကို အစိုးရနှင့် အစိုးရတပ်သည် အတိုက်အခံခေါင်းဆောင်ကို မထောက်ညှာဘဲ ၎င်းတို့ လိုလားသည့် ဆွေးနွေးမှုပုံစံများဆီကိုသာ ချဉ်းကပ်ခေါ်ယူခဲ့သည်ကို တွေ့ရသည်။

အစိုးရဖြစ်စေ၊ လွှတ်တော်ဖြစ်စေ၊ အတိုက်အခံဖြစ်စေ၊ တိုင်းရင်းသားခေါင်းဆောင်များဖြစ်စေ ၎င်းတို့ တွေးကြံ၊ ပြောဆို၊ လုပ်ကိုင် ဆောင်ရွက်သမျှကို တိုင်းရင်းသား ပြည်သူများက မပြတ်တမ်း စောင့်ကြည့် အကဲခတ် သုံးသပ်နေကြသည်ချည်းသာဖြစ်သည်။

မည်သူသည် အမှန်၊ မည်သူသည် အမှား၊ မည်သူသည် လမ်းကြောင်းမှန်ပေါ်၊ မည်သူသည် လမ်းကြောင်းမှန်ပေါ်မှ ခွဲထွက်ဆင်းနေသူ စသည်တို့ကို ပြည်သူကလည်း သိသည်၊ ထိုသို့ ပြည်သူများ သိသာရှင်းလင်းစေရန် မီဒီယာများကလည်း အချိန်ပြည့် အသုံးတော်ခံနေရသည့် ခေတ်ဖြစ်သည်။ အာဏာ၊ ဖိအားနှင့် သတင်းအရပ်ရပ်ကို လွှမ်းမိုးထိန်းချုပ်သည့် ခေတ်မှာ လွန်ခဲ့ပြီ ဖြစ်သည်။

အစိုးရသည် ကောင်းသည်ကို ဆောင်ရွက်က ပြည်သူများသည် အစိုးရဖက် ပါသည်သာဖြစ်သည်။ သာမန်ပြည်သူများသာပင် မဟုတ်၊ အစိုးရကို ပြင်းပြင်းထန်ထန် ထောက်ပြဝေဖန်လေ့ရှိသော နိုင်ငံရေးအကဲခတ်ဆိုသူများပင် အစိုးရ၏ ဆောင်ရွက်ချက်များ တော်တည့် မှန်ကန်ပါက (တစ်နည်း) တိုင်းပြည်နှင့်လူထုကို မျက်နှာမူသည့် ဆုံးဖြတ်ချက်များဖြစ်သည်ဟု ယူဆသည်နှင့် အစိုးရဖက်ပါသည့် သုံးသပ်ချက်မျိုးဖြင့် ပြောကြ ဆိုကြ ရေးသားကြသည်။ ဥပမာအားဖြင့် အမျိုးသားပညာရေးဥပဒေကို ပြင်ဆင်ရန် ကြိုးစားသည့် ကျောင်းသားသပိတ်များအပေါ် သုံးသပ်ချက်များတွင် အထင်အရှားတွေ့ရသည်။ အကဲခတ်ဟူသည် အချက်အလက်များပေါ်တွင် အခြေခံပြီး တော်တည့် မှန်ကန်မျှတသည့် သုံးသပ်ချက်များကို ပြောဆိုရေးသားပါမှသာ သတင်းစာဖတ်သူ (ဝါ) စဉ်းစားတတ်သူ ပြည်သူများက ၎င်းတို့၏ သုံးသပ်မှတ်ချက်များကို အလေးအနက်ထား လက်ခံစဉ်းစားကြမည် ဖြစ်သည်။

မြန်မာပြည်သူများသည် အိမ်နီးချင်းနိုင်ငံများမှ ပြည်သူများနှင့် ယှဉ်ပါက နိုင်ငံရေးရေချိန် မနိမ့်သူများဖြစ်သည်။ နှစ်ပေါင်း ၅၀ ခန့် စစ်အာဏာရှင် အစိုးရအဆက်ဆက်အောက်တွင် ငြိမ်ဝပ်ပိပြားနေအောင် ဖိနှိပ်ခံထားရသဖြင့် ငြိမ်းချမ်းရေး၊ တန်းတူညီမျှရေးနှင့် နိုင်ငံသား အခွင့်အရေး စသည့် ပြည်သူတစ်ဦးချင်း၏ ခံစားခွင့်များနှင့် ပတ်သက်လျှင် ကောင်းစွာ သုံးသပ်ဆုံးဖြတ်နိုင်ကြသည်။

ဤသည်ကား တော်၏၊ ဤသည်ကား မတော်၊ ဤသည်ကား သင့်၏၊ ဤသည်မှာ မသင့်၊ ဤလူကား ကောင်း၏၊ ထိုသူမှာ မကောင်း စသည်ဖြင့် ပြည်သူများမှာ ကောင်းစွာ ဝေဖန် စောကြောနိုင်ကြသည်။ သူတို့သည် အဆက်ဆက်သော အဆင့်ဆင့်သော ဖိစီးမှုများအောက်တွင် အသားကျပြီးသူများဖြစ်သဖြင့် ဒဏ်ရာအတွက် နေရာလပ်မကျန် ခံစားထားဖူးပြီးသား ဖြစ်သည်။

ပြည်သူတို့သည် လူကောင်းကို မျှော်သည်၊ ပြည်ကောင်းကို တသည်၊ ခေါင်းဆောင်မှန်ကို သိသည်၊ ကြောင်းမှန်မျှတ ထိုနှစ်ဝကို တဝပိုင်ပိုင် အရချိုင်လိုကြသည်ချည်း ဖြစ်သည်။

၂၀၁၅ သည် အခွင့်အရေးနှစ်လည်း ဖြစ်သည်၊ သို့သော် အခွင့်အရေးကို မဆွတ်မီ စိန်ခေါ်မှု ခယောင်းတောကိုကား ဖြတ်ရဦးပေမည်။ ပြည်သူများကား ခယောင်းတောကို မကြောက်၊ အကြိမ်ကြိမ်လည်း ဖြတ်ဖူးခဲ့ကြပြီ။

သူတို့သည်ကား ခယောင်းတော လွန်သည့်အခါ အခွင့်အရေးအောင်ပန်းကို မလှမ်းကိုင်နိုင်မည်ကိုသာ စိုးရှာသူများဖြစ်သည်။

၂၀၁၅ က ပေးနိုင်သော ပြည်သူများလိုလားသည့် အခွင့်အရေးများ (တစ်နည်း) ငြိမ်းချမ်းသာယာ စိမ်းလန်းဝေဆာ သိန်းသန်း ကုဋေကုဋာ ပျော်ရွှင်စရာ ဒီမိုကရေစီမြန်မာဖြစ်ရေး အာဏာနှင့် လုပ်ပိုင်ခွင့်၊ သြဇာနှင့် စည်းရုံးပိုင်ခွင့်ရှိသူတိုင်းက တိုင်းပြည်နှင့်လူထုမျက်နှာကြည့်ရန် မဇ္ဈိမက တိုက်တွန်းသည်။

အစိုးရရော အတိုက်အခံပါ ရိုးဖြောင့်၊ စိတ်မှန်၊ ကြံ့ခိုင်ကြစေသတည်း။ နိုင်ငံနှင့် ပြည်သူများမှာ ကြိုးစားသလောက် တိုးမောက်၊ ကျန်းမာ၊ ချမ်းသာကြစေသတည်း။

Read 887 times

mizzima-newspaper-vol-6-no-91

chatrium

 

academy-left-banner1

prisoners-released-left

sms-banner

asean-women

obama-left

asean-left

SMS-news-banner

twitter facebook

 

 

ယနေ့ နိုင်ငံခြား ငွေလဲလှယ်နှုန်း

Yoma Bank LimitedYoma-bank-logo
International Banking Department
Exchange Rate for foreign currencies (18.06.2015), Thursday.

Currency Ref;Rate We Buy  We Sell 
 USD 1105 1105 1113
 EUR 1255.1 1255 1264
 SGD 826.88 826 832

We have 181 guests and no members online