House Art

eng btn

အထူးသတင်းများ:
 
 
Friday, 13 February 2015 18:47

ဗိုလ်ချုပ်လိုလူစား အများကြီးဟေ့...

Written by 

ကျောင်းသား သမဂ္ဂခေါင်းဆောင်၊ သခင်ခေါင်းဆောင်၊ စစ်ခေါင်းဆောင် စသဖြင့် ဘဝမျိုးစုံကို မြန်မာများအတွက် စံနမူနာပြ ထားရစ်ခဲ့သော၊ သူမတူအောင် နိုင်ငံကိုချစ်သော၊ နိုင်ငံ့လွတ်လပ်ရေးကိုသာ တစ်ချောင်းတည်းသော စိတ်ဖြင့် တစိုက်စိုက်မတ် တွေးခေါ်မြော်မြင် ဆောင်ယူပေးခဲ့သော အမျိုးသားခေါင်းဆောင်ကြီး၊ လွတ်လပ်ရေးဗိသုကာကြီး၊ တပ်မတော်ဖခင်ကြီး၊ ပြည်ထောင်စု မြန်မာနိုင်ငံတော်ကို စုစည်းနိုင်သူကြီး စသည်ဖြင့် ဂုဏ်ပုဒ်အထပ်ထပ်ကို ပိုင်ဆိုင်သူ ဗိုလ်ချုပ်အောင်ဆန်း၏ နှစ် ၁၀၀ ပြည့် မွေးနေ့ကို ဇာတိနတ်မောက်မြို့တွင်သာမက မြန်မာနိုင်ငံ မြို့ရွာများတွင် ခမ်းခမ်းနားနား လေးလေးစားစား အရေးတယူ တန်ဖိုးထားကာ ကျင်းပပြီးခဲ့လေပြီ။

ရာဇ၀င်တွင် မော်ကွန်းရေးထိုးလောက်အောင် အတ္ထုပ္ပတ္တိပြောင်မြောက်ခဲ့သူ၊ လွမ်းလွမ်းဆွတ်ဆွတ် တမ်းတရလောက်သူ၊ တစ်နိုင်ငံလုံးမှ တိုင်းရင်းသား ပြည်သူအပေါင်း၏ လေးစားယုံကြည်မှု အခံရဆုံးသူ၊ မသမာသူများ၏ လုပ်ကြံသတ်ဖြတ်ခံရမှုကြောင့် လူသာ သေသော်လည်း နာမည်မသေခဲ့သူ၊ ကွယ်လွန်ပြီး နှစ် ၇၀ နီးပါး ကြာလာသည့်တိုင် ကျောင်းသားလူငယ်များအပါအ၀င် ပြည်သူများ ရင်ထဲထိ ထိုးဖောက်ဝင်ရောက်နိုင်သူ၊ အဆုံးမဲ့ဂုဏ်ပုဒ်များဖြင့် ကုံလုံပြည့်ဝနေသူ ဗိုလ်ချုပ်ကို မည်သူများက မည်သို့ ဖုံးအုပ် ဖယ်ထုတ်ထားစေ မည်သည့်အခါမှ ဂုဏ်ရှိန် မညှိုးခဲ့သူ ဖြစ်ခဲ့သည်။ အသက် ၁၀၀ တိုင် ပြည်သူများရင်တွင်း အမြဲရှင်သန်ခဲ့သူမှာ ဗိုလ်ချုပ်အောင်ဆန်းသာ ဖြစ်ပါလိမ့်မည်။

ဗိုလ်ချုပ်၏ဂုဏ်ပုဒ်များကို ပြန်လည် ဖော်ထုတ်ပြီး နိုင်ငံလုံးအနှံ့ လွတ်လွတ်ကျွတ်ကျွတ် အားပါးတရ ဂုဏ်ပြုခွင့်ရခြင်းမှာ နှစ်ပေါင်းများစွာအတွင်း ယခုနှစ်မှာ ပထမဆုံးအကြိမ်ဖြစ်သည်။ အစိုးရ၊ လွှတ်တော်အပါအ၀င် နိုင်ငံရေးပါတီများ၊ အရပ်ဖက်အဖွဲ့အစည်းများကလည်း နှစ် ၁၀၀ ပြည့် ဗိုလ်ချုပ်မွေးနေ့ကို အသိအမှတ်ပြုကြသည်။ နှစ် ၁၀၀ ပြည့် ထူးကဲသည့် အထိမ်းအမှတ်ဖြစ်သဖြင့် သတင်းစာ၊ ဂျာနယ်၊ မဂ္ဂဇင်း၊ စာအုပ်စာတမ်းများ၊ ဓာတ်ပုံများ၊ ပန်းချီ၊ ရုပ်ပြ၊ ကာတွန်း၊ ကြေးရုပ်၊ ကျောက်ရုပ်၊ ဆီလီကွန်ရုပ်တုပါမကျန် အမျိုးမျိုးအထွေထွေ မီဒီယာစုံဖြင့် ဗိုလ်ချုပ်ကို ဂုဏ်ပြုကြသည်မှာ ကြက်သီးမွေးညင်းထဖွယ် စိတ်လှုပ်ရှား ၀မ်းမြောက်ကြရသည်။ တန်ဖိုးရှိသူကို တန်ဖိုးသိသူတို့က ဂုဏ်ပြုကြခြင်းဖြစ်သည်။

ခေတ်အဆက်ဆက် မိမိတို့ကိုယ်တိုင်လည်း ဗိုလ်ချုပ်အကြောင်းကို ပါးစပ်ပိတ်ထားပြီး ဗိုလ်ချုပ်အကြောင်းကို ကြိုးစား ပြောဆိုလိုသူများကိုလည်း ဖိနှိပ်ထားကြသူများပင် ဗိုလ်ချုပ်တော်ကြောင်း ထက်ကြောင်း တတ်ကြောင်း မြတ်ကြောင်းတွေကို ပေါ်ပေါ်ထင်ထင် ဂငယ်ကွေ့ကွေ့ထုတ်ဖော် ပြောဆိုလာရသည်။ ဗိုလ်ချုပ်သည် သေသည့်တိုင် အစွမ်းထက်သူဖြစ်သည်။ နှစ် ၁၀၀ ပြည့်တွင် အမှန်မပြောရဲသူကို အမှန်ပြောရဲအောင် နှုတ်ဖွင့်ပေးလိုက်သည်။ တစ်ဗိုလ်ချုပ်တည်း ဗိုလ်ချုပ်ဖြစ်လာကြသော ခေတ်ဟုပင် ဆိုနိုင်ပေသည်။

ဤတွင် အချို့က ဗိုလ်ချုပ်ကို တမ်းတကြရုံနှင့် မပြီး၊ ဗိုလ်ချုပ်ကဲ့သို့ ရိုးဖြောင့်၊ တည်ကြည်၊ သည်းခံ၊ အားထုတ်၊ ကြိုးကုတ်ကြရန် လိုအပ်ပါပေသည်ဟု ပြောကြဆိုကြသည်။ ဗိုလ်ချုပ်ရွက်ဆောင်ခဲ့သလို မိမိအကျိုးကို လုံးဝ မငဲ့ဘဲ တိုင်းပြည်အကျိုး၊ လူထုအကျိုးကို ဆောင်ရွက်ကြရန် တိုက်တွန်းသည်။  ဗြိတိသျှကိုလိုနီဘ၀မှ တိုင်းပြည်လွတ်လပ်ရေးကို ဗိုလ်ချုပ်အောင်ဆန်းက အရယူပေးခဲ့သည်။ ဗိုလ်ချုပ်သည် နိုင်ငံ့သားကောင်းတာဝန်ကို လိုသည်ထက် မြောက်မြားစွာ ပိုလွန် ကျေပွန်ခဲ့ပြီ။ ဒီမိုကရေစီသို့ ဦးတည်လျှောက်လှမ်းသော ခေတ်တွင် ဒီမိုကရေစီနှင့် လူ့အခွင့်အရေးများကို ယနေ့ခေတ်နိုင်ငံသားများက တစ်ယောက်ချင်းမှသည် တပြည်လုံးရှိ တိုင်းရင်းသား ပြည်သူအပေါင်း၏ စုစည်း ညီညွတ်မှုအားဖြင့် ရရှိအောင် ဆောင်ရွက်ကြရမည်ဖြစ်သည်။

အစိုးရ၊ လွှတ်တော်၊ တရားစီရင်ရေး၊ မီဒီယာ စသည်ဖြင့် ဆိုင်ရာမဏ္ဍိုင် အသီးသီးကလည်း မိမိတို့ လုပ်ပိုင်ခွင့်နှင့် အာဏာကို အများအကျိုးအတွက် (၀ါ) တိုင်းပြည်နှင့်လူထုအကျိုးအတွက် အကောင်းဆုံး အသုံးချခြင်းဖြင့် ဗိုလ်ချုပ်ကို အတုယူနိုင်သည်။ ယနေ့ခေတ်တွင် ဗိုလ်ချုပ်လို အငတ်ငတ် အပြတ်ပြတ်ဖြင့် တိုင်းပြည်ချစ်ရန်ပင် မလိုတော့ပါ၊ ဗိုက်ဝအောင် စားရင်းဖြင့်ပင် တိုင်းပြည်ချစ်နိုင်သည်။ ဗိုလ်ချုပ်ကဲ့သို့ အင်္ကျီသုံးလေးထည်နှင့် တိုင်းပြည်တာဝန်များကို ထမ်းဆောင်ရန် မလိုပါ၊ ချိတ်ပုဆိုးနှင့် ပိုးတိုက်ပုံဝတ်ပြီး တိုင်းပြည်နှင့် လူထုမျက်နှာမူကာ အလုပ်လုပ်ရုံသာ ရှိသည်။

ဗိုလ်ချုပ်လို ကျဆုံးသည့်တိုင် အာဇာနည်ခေါင်းဆောင်ကြီးအဖြစ် နှစ် ၁၀၀ သက်တမ်းထိ တမ်းတရလေအောင် စောင့်ဆိုင်းစရာ မလိုပါ။ အသက်အန္တရာယ်နှင့် ဘေးအန္တရာယ်လုံခြုံရေးကို လိုသည်ထက် များစွာပိုအောင် ယူထားရင်းဖြင့်ပင် မျက်မှောက်ခေတ်၏ နိုင်ငံရေး အကျပ်အတည်းများဖြစ်သော ပြည်သူများ မလိုလားသည့် ၂၀၀၈ အခြေခံဥပဒေကို ပြည်သူများ နှစ်သက်လိုလားသည့် အခြေခံဥပဒေဖြစ်အောင် ပြင်ဆင်ပေးခြင်း၊ တိုင်းရင်းသားပြည်သူများ မျိုးဆက်အဆက်ဆက် တောင့်တနေသော ပြည်တွင်းငြိမ်းချမ်းရေးကို အမြန်ဆုံးရအောင် ဆောင်ကျဉ်းပြီး တိုင်းရင်းသားအားလုံး တန်းတူညီမျှ အခွင့်အရေးကို ရစေခြင်း၊ လူတန်းစားတစ်ရပ်က တိုင်းပြည်၏ အာဏာနှင့် စီးပွားရေးအခွင့်အလမ်းများကို ပိုပိုသာသာ မယူထားဘဲ ညီညွတ် မျှတသော ဥပဒေများအောက်တွင် နိုင်ငံသားတိုင်း တူညီသော အခွင့်အရေးများ ပေးထားခြင်းစသော ငြိမ်းချမ်းရေး၊ ညီညွတ်ရေး၊ ဒီမိုကရေစီနှင့် လူ့အခွင့်အရေးများကို ဗိုလ်ချုပ်ကဲ့သို့ စိတ်ထားဖြင့် ယနေ့ ဆောင်ရွက်ပေးမည်ဆိုလျှင် ပြည်သူများကလည်း ယနေ့ပင် ဗိုလ်ချုပ်အား တခဲနက် ထောက်ခံအားပေး ဂုဏ်ပြုကြသလို ထပ်တူပြု ဆောင်ရွက်ကြသည်မှာ သေချာသည်။

မြန်မာသည် လွတ်လပ်သည့်နိုင်ငံအဖြစ် မွေးဖွားခဲ့သည်မှာ နှစ်ပေါင်း ၇၀ ပင် ပြည့်ပါတော့မည်။ ဗိုလ်ချုပ်အောင်ဆန်း ကျဆုံးခဲ့သည်မှာလည်း နှစ်ပေါင်း ၇၀ ရှိပါတော့မည်။ မြန်မာသည် ယနေ့တိုင် ဗိုလ်ချုပ်မျှော်မှန်းခဲ့သည့် တိုင်းပြည်အဖြစ် မရောက်ရှိသေးပါ။ ဗိုလ်ချုပ်လိုလူစား ခေါင်းဆောင်များ မြန်မြန်နှင့် များများ ပေါ်ပေါက်ပါမှသာ မြန်မာအတွက် ကောင်းပါလိမ့်မည်။ မြန်မာတွင် လက်ရှိဗိုလ်ချုပ်များ ရှိသည်၊ နိုင်ငံ့ခေါင်းဆောင်များ ရှိသည်၊ နိုင်ငံရေးခေါင်းဆောင်များ ရှိသည်၊ တိုင်းရင်းသားခေါင်းဆောင်များ ရှိသည်၊ အရပ်ဖက်ခေါင်းဆောင်များ ရှိသည်၊ သို့သော် ဗိုလ်ချုပ်လိုလူစား (ခေါင်းဆောင်များ) မတွေ့ရသလောက် ဖြစ်သည်။

မြန်မာပြည်သူလူထု၏ နှုတ်ဖျားများမှ "ဗိုလ်ချုပ်လိုလူစား အများကြီးဟေ့" ဟု အော်ဟစ်နိုင်မည့် နေ့တစ်နေ့ အမြန်ရောက်ရန် မဏ္ဍိုင်လေးရပ်မှ ခေါင်းဆောင်များနှင့် မိမိကိုယ်ကို ခေါင်းဆောင်ဟု ယူဆထားကြသည့် ခေါင်းဆောင်များအား ယနေ့မှစ၍ စိတ်ထားပြင်ဆင် ကြိုးစားကြရန် မဇ္ဈိမက တိုက်တွန်းသည်။

Read 1494 times

mizzima-newspaper-vol-6-no-91

chatrium

 

academy-left-banner1

prisoners-released-left

sms-banner

asean-women

obama-left

asean-left

SMS-news-banner

twitter facebook

 

 

ယနေ့ နိုင်ငံခြား ငွေလဲလှယ်နှုန်း

Yoma Bank LimitedYoma-bank-logo
International Banking Department
Exchange Rate for foreign currencies (18.06.2015), Thursday.

Currency Ref;Rate We Buy  We Sell 
 USD 1105 1105 1113
 EUR 1255.1 1255 1264
 SGD 826.88 826 832

We have 94 guests and no members online