House Art

eng btn

အထူးသတင်းများ:
 
 
Saturday, 13 June 2015 13:07

အလုပ်သမား ဝန်ထမ်းတွေ ကျန်းမာရေးအတွက် လူမှုဖူလုံရေး ဝင်ခွင့်ပြုစေချင်ပါတယ်

Written by  မဇ္ဈိမ

မန္တလေးတိုင်းဒေသကြီး၊ ချမ်းအေးသာစံမြို့နယ်မှာနေတဲ့ မယမင်းကြိုင်က မေးလ်နဲ့ မဇ္ဈိမ စာဖတ်သူကဏ္ဍကို စာတစ်စောင် ပေးပို့လာပါတယ်။ သူရေးထားတာ ကတော့ မန္တလေးမြို့မှာ နေထိုင်တဲ့ သူဟာ ကုမ္ပဏီတစ်ခုမှာ စာရင်းကိုင်အဖြစ် ဝင်ရောက်လုပ်ကိုင်နေသူ တစ်ဦးဖြစ်ပါတယ်လို့ ပြောပါတယ်။ နေ့စဉ်ထုတ် သတင်း စာတစ်စောင်မှာ လူမှုဖူလုံရေး ဦးစီးဌာနက လူမှုဖူလုံရေး ဝင်ထားတဲ့ ကုမ္ပဏီ ဝန်ထမ်းတစ်ဦးကို ဆေးကုသဖို့အတွက် ထောက်ပံ့ငွေသိန်း ၂၀ ပေးတာကို ဖတ်လိုက် ရတာကြောင့် စာရေးချင်စိတ် ဖြစ်ပေါ်ပြီး ရေးခဲ့တာပါလို့ ဆိုပါတယ်။

သတင်းစာထဲမှာ ဖတ်ရတာကတော့ ၂၀၁၅-၁၆ ခုနှစ် ဘတ်ဂျက်ကနေ လူမှုဖူလုံရေး ဦးစီးဌာနရဲ့ ပထမဆုံး ထောက်ပံ့ကြေးအဖြစ် မွေးရာပါ နှလုံးရောဂါ ဝေဒနာရှင် တစ်ဦးအား ထောက်ပံ့ငွေ သိန်း ၂၀ ကို လူမှုဖူလုံရေး ဆေးရုံမှာ ပေးအပ်ခဲ့တယ်လို့ ဖတ်လိုက်ရပါတယ်။ ဒီသတင်းထဲမှာပဲ လူမှုဖူလုံရေး ဦးစီးဌာနကို လူမှုဖူလုံကြေး လစဉ် ပေးသွင်းလျက်ရှိတဲ့ နှလုံးရောဂါ၊ ကျောက်ကပ်ရောဂါ၊ ကင်ဆာရောဂါ အစရှိတဲ့ ရောဂါ ဝေဒနာရှင်တွေနဲ့ တခြားဆေးရုံများမှာ ဆေးကုသမှုခံယူလျက်ရှိတဲ့ လူနာတွေကို ငွေကြေးထောက်ပံ့မှုတွေ ပေးအပ်နေတယ် ဆိုတာလည်း ဖတ်လိုက်ရပါတယ်။ သူ့မှာ ငယ်စဉ်ကတည်းက နှလုံးရောဂါရှိပြီး ငွေကြေး အဆင်မပြေ တာကြောင့် ထိရောက်အောင် မကုသနိုင်ခဲ့ပါဘူး။ ငယ်ငယ် ကတည်းက လူမှုဖူလုံရေးဆိုတာ သတင်းစာတွေထဲမှာ ဖတ်ခဲ့ဖူးပေမယ့် ဘာမှန်း မသိခဲ့ပါဘူးလို့ ဆိုပါ တယ်။

သူနဲ့ ရင်းနှီးတဲ့ အစိုးရဝန်ထမ်း အစ်မတစ်ယောက်ကို ဒီကိစ္စနဲ့ ပတ်သက်ပြီး မေးကြည်တော့ အစိုးရ ဝန်ထမ်းတွေသာ မကဘဲ လူ ၅ ယောက်ရှိတဲ့ စက်ရုံ၊ ကုမ္ပဏီတွေလည်း လူမှုဖူလုံရေး ဝင်လို့ရတယ်လို့ ပြောပါတယ်။ ဒါပေမယ့် သူအလုပ်ပြောင်းတာ ၅ ခုလောက် ရှိနေပြီ။ အလုပ်ဌာနတိုင်းမှာလည်း လူ ၂၀ အထက် တွေချည်းပေမယ့် လူမှုဖူလုံရေး ဝင်ဖို့ ပြောသံ မကြားခဲ့ဖူးဘူးလို့ ဆိုပါတယ်။ ရှင်းပြတဲ့ အစ်မပြောသလို လစဉ်ပေးသွင်းရတဲ့ ကြေးက မများပေမယ့် အလုပ်သမားနဲ့ အလုပ်ရှင် အချိုးကျ ထည့်ဝင်ပေးရတယ်ဆိုတာမို့ အလုပ်ရှင်တွေက သူတို့ စိုက်ပေးရတဲ့ ငွေက နည်းပေမယ့် ပေးရမှာစိုးလို့ မဝင်ခိုင်းခဲ့ကြတာလို့ သူ့အနေနဲ့ ထင်မိပါတယ်လို့ ရေးပါတယ်။

အခုလက်ရှိ စီးပွားရေး အခြေအနေနဲ့ လုပ်ခ လစာတွေကြောင့် အလုပ်သမားတွေ အနေနဲ့ စားဝတ်နေရေးကို ကုန်ကျရတာတွေနဲ့တင် ကျန်းမာရေးအတွက် ကုန်ကျ ဖို့ ငွေဆိုတာ မတတ်နိုင်ကြ ပါဘူး။ ဒီလိုမျိုး ဝင်ကြေးငွေ အနည်းငယ် ထည့်ရုံနဲ့ အခမဲ့ ဆေးဝါးကုသမှုတွေ လုပ်ဆောင်ပေးနေတဲ့ လူမှုဖူလုံရေးကို အလုပ်သမားတိုင်း ဝင်သင့်ပါတယ်လို့ ပြောပါတယ်။

ဒါကြောင့် စက်ရုံ၊ အလုပ်ရုံနဲ့ ကုမ္ပဏီ ဝန်ထမ်းတွေ ကျန်းမာရေးအတွက် ထောက်ပံ့မှုတွေ ပေးနိုင်တဲ့ လူမှုဖူလုံရေးအဖွဲ့ ဝင်ရောက်ဖို့အတွက် သက်ဆိုင်ရာ တာဝန်ရှိ သူများအနေနဲ့ အလုပ်ရှင်တွေကို တွန်းအား ပေးသင့်ပါတယ်။

လူကျန်းမာမှ အလုပ်လုပ်ရတဲ့လုပ်ငန်းခွင်မှာပျော်ရွှင်စွာနဲ့ မိမိကျရာတာဝန်ကိုကျေပွန်အောင်ထမ်းရွက်နိုင်ကြမှာဖြစ်တဲ့အတွက် နိုင်ငံတဝှမ်းလုံးက အလုပ်သမားတွေ လူမှုဖူလုံရေး ဝင်ရောက်နိုင်ဖို့ကို အာဏာပိုင်တွေက စီမံချက်နဲ့ အမြန်ဆုံး အကောင်အထည်ဖော်ပေးဖို့ ရေးသားပေးပို့ခဲ့တဲ့ စာကို ဖော်ပြလိုက်ပါတယ်။

Read 2978 times Last modified on Wednesday, 17 June 2015 15:29

mizzima-newspaper-vol-6-no-91

chatrium

 

academy-left-banner1

prisoners-released-left

sms-banner

asean-women

obama-left

asean-left

SMS-news-banner

twitter facebook

 

 

ယနေ့ နိုင်ငံခြား ငွေလဲလှယ်နှုန်း

Yoma Bank LimitedYoma-bank-logo
International Banking Department
Exchange Rate for foreign currencies (18.06.2015), Thursday.

Currency Ref;Rate We Buy  We Sell 
 USD 1105 1105 1113
 EUR 1255.1 1255 1264
 SGD 826.88 826 832

We have 81 guests and no members online