House Art

eng btn

အထူးသတင်းများ:
 
 
Friday, 05 June 2015 10:48

၅၇ ခရီးသည်တင် ယာဉ်ပေါ်တက်ပြီး ဓားထောက် ခြိမ်းခြောက်သူများထဲမှ တစ်ဦး ဖမ်းမိ

Written by  ကျော်စိုးမိုး

ရန်ကုန် (မဇ္ဈိမ)။ ။ ပြီးခဲ့သည့် မေလအတွင်းက ဖြစ်ပွားခဲ့သည့် အမှတ် ၅၇ ခရီးသည်တင် ယာဉ်ပေါ်တက်၍ ဓားထောက် ခြိမ်းခြောက်ပြီး ငွေတောင်းသူ သုံးဦးအနက် တစ်ဦးကို ဇွန် ၃ ရက်က ဖမ်းမိခဲ့သည်ဟု ရန်ကုန်တိုင်း ရဲတပ်ဖွဲ့က သတင်းထုတ်ပြန်ထားသည်။

မေ ၁၂ ရက်၊ မွန်းလွဲ ၁၂ နာရီခန့်က ယာဉ်မောင်း ဦးကျော်မြင့် မောင်းနှင်လာသည့် အမှတ် ၅၇ ခရီးသည်တင်ယာဉ်သည် သာကေတမြို့နယ်၊ ဧရာဝဏ် ၈ လမ်းထိပ်မှတ်တိုင်တွင် ခရီးသည်အတင်အချ ပြုလုပ်နေစဉ် ယခင်က ၃၅ ယာဉ်လိုင်းတွင် ယာဉ်မောင်းလုပ်ကိုင်ခဲ့ဖူးသည့် အသက် ၃၅ နှစ်အရွယ် စိုးကြီး (ခ) စိုးမင်းငြိမ်း အပါအ၀င် အမျိုးသားနှစ်ဦး ကားပေါ်တက်လာပြီး “ဒီနေ့ ကားဆွဲလို့ရတဲ့ ငွေအကုန်ပေး၊ မပေးရင် သတ်ပစ်မယ်" ဟု ပြောပြီး ယာဉ်မောင်းနှင့် ယာဉ်နောက်လိုက်တို့ကို ဓားထောက်ခြိမ်းခြောက်ကာ ငွေရှစ်သောင်း တောင်းယူသွားခဲ့ခြင်း ဖြစ်သည်ဟု ထုတ်ပြန်မှုတွင် ဖော်ပြထားသည်။

အလားတူ မေ ၁၃ ရက်၊ မွန်းလွဲ ၃ နာရီခန့်က သာကေတမြို့နယ်၊ အ၀ိုင်းထိပ်ရှိ ဂက်စ်ဆိုင်တွင် ဂက်စ်ဖြည့်ရန် တန်းစီစောင့်ဆိုင်းနေသည့် အမှတ် ၅၇ ခရီးသည်တင်ယာဉ် တစ်စီးပေါ်သို့ စိုးကြီး(ခ) စိုးမင်းငြိမ်း အပါအ၀င်နှစ်ဦးက တက်ပြီး ယာဉ်နောက်လိုက်ကို ဓားထောက်ကာ ၎င်းထံမှ ငွေကျပ် ၉၈,၀၀၀ ခြိမ်းခြောက် ရယူသွားခဲ့သေးသည်။

သာကေတနယ်မြေ ရဲစခန်းက ရဲအရာရှိတစ်ဦးက “ယာဉ်နောက်လိုက်နဲ့ ယာဉ်မောင်းတွေက မနေ့ကမှ လာတိုင်လို့ အမှုဖွင့်ပြီး ခေါင်းဆောင်စိုးကြီးကို သန်လျင်မှာ ဖမ်းမိခဲ့ပါတယ်။ ကျန်တဲ့နှစ်ယောက်ကိုတော့ လိုက်လံဖမ်းဆီးနေတုန်းပါပဲ” ဟု ဇွန် ၄ ရက်တွင် ပြောသည်။

အဆိုပါ ဖြစ်စဉ်များကို သာကေတနယ်မြေ ရဲစခန်းက (ပ) ၄၃၀/၂၀၁၅၊ (ပ) ၄၃၁/၂၀၁၅၊ ပြစ်မှုပုဒ်မ ၃၈၆ ဖြင့် အမှုဖွင့်ပြီး ကျန်ရှိနေသည့် သန်လျင်မြို့နယ်တွင် နေထိုင်သည့် အာကာနှင့် ဒဂုံဆိပ်ကမ်းမြို့နယ်နေ ကျန်ကျောင်းတို့ကို ဖမ်းဆီးရမိရေး ဆောင်ရွက်နေသည်ဟု ရန်ကုန်တိုင်း ရဲတပ်ဖွဲ့က သတင်း ထုတ်ပြန်ထားသည်။

Read 1318 times

mizzima-newspaper-vol-6-no-91

chatrium

 

academy-left-banner1

prisoners-released-left

sms-banner

asean-women

obama-left

asean-left

SMS-news-banner

twitter facebook

 

 

ယနေ့ နိုင်ငံခြား ငွေလဲလှယ်နှုန်း

Yoma Bank LimitedYoma-bank-logo
International Banking Department
Exchange Rate for foreign currencies (18.06.2015), Thursday.

Currency Ref;Rate We Buy  We Sell 
 USD 1105 1105 1113
 EUR 1255.1 1255 1264
 SGD 826.88 826 832

We have 92 guests and no members online